AssameseSongLyrics4u

জম্মু আৰু কাশ্মীৰৰ পুলৱামাত যোৱা ১৪ ফেব্ৰুৱাৰীত পাক সমৰ্থিত সন্ত্ৰসবাদীৰ আক্ৰমণৰ বলি হৈ অকাল মৃত্যুক সাৱটি লোৱা তামুলপুৰ মহকুমা সদৰৰ কলবাৰী গাঁওৰ বীৰ ছহিদ মনেশ্বৰ বসুমতাৰীৰ পৰিয়ালৰ লগতে সমগ্ৰ তামুলপুৰ মহকুমাবাসী আজিও শোকত ম্ৰিয়মান হৈ আছে। বীৰ ছহিদ গৰাকীৰ চিতাৰ দাউ দাউ কৈ জ্বলি থকা জুইকুৰা এতিয়াও সকলোৰে চকুত ভাঁহি আছে। ইতিমধ্যে অসমৰ ভিন্ন প্ৰান্তৰপৰা আহি বিভিন্ন লোকে শোক সন্তপ্ত পৰিয়ালটোৰ দুখৰ সমভাগী হৈছে। সোমবাৰে সদৌ অসম ছাত্ৰ সন্থা আৰু নিখিল বড়ো ছাত্র সন্থাৰ এটা প্ৰতিনিধিৰ দলে শ্বহীদ গৰাকীৰ বাসগৃহত উপস্থিত হৈ শ্বহীদ গৰাকীক শ্ৰদ্ধাঞ্জলি জনোৱাৰ লগতে শোকসন্তপ্ত পৰিয়াল বৰ্গক সমাবেদন জ্ঞাপন কৰে। প্ৰতিনিধি দলটোক নেতৃত্ব দিয়ে সদৌ অসম ছাত্ৰ সন্থাৰ মুখ্য উপদেষ্টা ডঃ সমুজ্জ্বল কুমাৰ ভট্টাচাৰ্য, ক্ৰীড়া সম্পাদক পূৰ্ণ ডেকা আৰু নিখিল বড়ো ছাত্র সন্থাৰ সভাপতি প্ৰমোদ বড়োৱে। সংবাদ মাধ্যমৰ সতে হোৱা বার্তালাপত আছু নেতা ডঃ সমুজ্জ্বল কুমাৰ ভট্টাচাৰ্যই কয় যে ভাৰত চৰকাৰে এটা স্পষ্ট নীতিৰ আধাৰত জম্মু কাশ্মীৰৰ সন্ত্ৰাসবাদ নিৰ্মূল কৰিবৰ বাবে এটা ফলপ্ৰসূ পদক্ষেপ গ্ৰহণ কৰি দেখুৱাব লাগে। দেশত হুজি, মৌলবাদী আছে বুল...

নাগৰিকত্ব সংশোধনী বিধেয়কৰ ক্ষেত্ৰত উত্তৰ-পূৱ অঞ্চলৰপৰা এতিয়াও ক'লা ডাৱৰ আঁতৰ হোৱা নাই। সোমবাৰে ৰঙিয়া গড়কাপ্তানী বাংলাত সন্ধিয়াৰ ভাগত উপস্থিত হৈ আছুৰ উপদেষ্টা সমুজ্বল কুমাৰ ভট্ৰচাৰ্য্যই সংবাদ মাধ্যমৰ আগত এনেদৰে কয়। কাশ্মীৰত উগ্ৰপন্থীৰ আক্ৰমনত মৃত্যুক সাৱতি লোৱা তামুলপুৰৰ মনেশ্বৰ বসুমতাৰীৰ ঘৰত খবৰলৈ উভতি অহাৰ পথত ৰঙিয়াত ছাত্ৰ নেতা গৰাকীয়ে বিজেপিৰ ৰাষ্ট্ৰীয় সভাপতি অমিত শ্বাহে নাগৰিকত্ব সংশোধনী বিধেয়কৰ ওপৰত দিয়া বক্তব্যত তীব্ৰ প্ৰতিক্ৰিয়া কৰি কয় যে বিজেপিৰ নাগৰিকত্ব সংশোধনী বিধায়কৰ সন্ধৰ্ভত লোৱা স্তিতি কোনো কাৰণতে বাস্তৱত ৰূপায়িত হ’ব নিদিও। আছুকে ধৰি অসমৰ ৭০ টাকৈ জাতীয় সংগঠনে যি ধৰণে নাগৰিকত্ব সংশোধনী বিধেয়কৰ বিৰুদ্ধে আন্দোলন কৰি আছিল ঠিক তেনেদৰে পৰৱৰ্তি সময়টো আন্দোলন কৰি যাৱ। অসমৰ লগতে উত্তৰ-পূৱৰ জনসাধাৰণক উৎফুল্লিত নহ’বলৈ অনুৰোধ কৰি ছাত্ৰ নেতাগৰাকীয়ে কয় যে বিজেপিয়ে অসম চুক্তিখন শেষ কৰি অকল ভোটৰ লালসাত নাগৰিকত্ব সংশোধনী বিধেয়কখন সংশোধন কৰিব বিচাৰিছে। অসমৰ জনসাধাৰণৰ কথা হ’ল অসম চুক্তিমতে ১৯৭১ চনৰ পিছত অহা সি হিন্দুয়ে হ'ওক বা মুছলমানে হ’ওক অসমৰপৰা যাব লাগিব। এ...

লোকসভা নিৰ্বাচনৰ বাবে কংগ্ৰেছ বিজেপি শিৱিৰত চলিছে ব্যাপক প্ৰস্তুতি৷ বিজেপিয়ে ইতিমধ্যে ৰণনীতি প্ৰস্তুত কৰি তৃণমূল কৰ্মীক ঘৰে ঘৰে যোৱাৰ নিৰ্দেশ দিছে৷ কংগ্ৰেছৰ দলীয় মনোনয়ন প্ৰক্ৰিয়াত চৈধ্যতা সমষ্টিৰ বাবে 134 গৰাকী প্ৰাৰ্থীয়ে দাখিল কৰিছে মনোনয়ন৷ আনকি, প্ৰাৰ্থীত্ব বিচৰা প্ৰাৰ্থীৰ পৰা পঞ্চাশ হাজাৰ টকাকৈ সংগ্ৰহ কৰিছে৷ 26 ফেব্ৰুৱাৰীত দলৰ সভাপতি ৰাহুল গান্ধীক লৈ আয়োজন কৰিছে খানাপাৰাত দলীয় সমাৱেশৰ৷ অতি আশ্বৰ্যজনকভাৱে লোকসভা নিৰ্বাচনক লৈ তঃপৰতা নাই অগপৰ৷ অগপ ব্যস্ত মিত্ৰতাৰ অংকত৷ মূলত: বিগত বিধান সভা নিৰ্বাচনত বিজেপিৰে মিত্ৰতাত আৱদ্ধ হৈ মন্ত্ৰিত্বৰ সোৱাদ পোৱা অগপই এতিয়াও এৰিব পৰা নাই মন্ত্ৰিত্বৰ লালসা৷ যাৰ বাবে বিজেপিৰে মিত্ৰতাক লৈয়ে এতিয়া ৰাজহুৱা পৰামৰ্শ গ্ৰহণ কৰিব বুলি ক’বলগীয়া হৈছে দলটোৰ সভাপতি অতুল বৰাই৷ যি নাগৰিকত্ব সংশোধনী বিধেয়কৰ বিৰোধিতা কৰি অগপই মিত্ৰতা ভংগ কৰিছে, সেই নাগৰিকত্ব বিধেয়ক পৰৱৰ্তী চৰকাৰ গঠন কৰিলেই আকৌ আনিব বুলি স্পষ্টকৈ অসমত আহি কৈ গৈছে ৰাষ্ট্ৰীয় সভাপতি অমিত শ্বাহে৷ তাৰপিছতো অগপৰ নেতৃত্বই লোকসভাত বিজেপিৰে মিত্ৰতা সন্দৰ্ভত আলোচনা কৰিবলৈ সভা পাতিছে৷ বুধবাৰে দলটোৰ...

পুলুৱমাত ছহিদ হোৱা প্ৰতিটো পৰিয়াললৈ বিগ বি অমিতাভ বচ্চনে পাঁচ লাখ টকাৰ সাহাৰ্য আগবঢ়াব৷ এই কথা নিশ্চিত কৰিছে বিগবিৰ মুখপাত্ৰ৷ শনিবাৰে বিৰাট কোহলী ফাউণ্ডেশ্যনৰ এক অনুষ্ঠানত উপস্থিত থকাৰ পৰা বিৰত থকা বিগবিয়ে সঁচা অৰ্থাৎ বলিউদৰ বিগবি বুলি নিজকে প্ৰতিষ্ঠা কৰিছে৷ ইপিনে, পাকিস্তানৰ অনুষ্ঠান বাতিল কৰিছে শ্বাবানা আজমী আৰু জাভেদ আখতাৰে৷ আনহাতে, ৰাজ্যৰ জনপ্ৰিয় কণ্ঠশিল্পী বাবু বৰুৱাই ছহিদ মনেশ্বৰ বসুমতাৰীৰ পৰিয়ালক ত্ৰিশ হাজাৰ টকাৰ সাহাৰ্য আগবঢ়াব বুলি জানিব পৰা গৈছে৷

ভাৰতীয় জনতা পাৰ্টীয়ে তেজপুৰ, মঙলদৈ গুৱাহাটীসহ কেইবাটাও লোকসভা সমষ্টিত নতুন মুখৰ সন্ধান কৰি থকা বুলি বি জে পি নেতা জয়ন্ত মল্ল বৰুৱাই সংবাদ মাধ্যমৰ আগত প্ৰকাশ কৰাৰ সময়তে বি জে পিয়ে লোকসভা নিৰ্বাচনত নতুন মুখৰ সন্ধান কৰাৰ কথাটো পোনছাটেই নসাৎ কৰিছে সাংসদ আৰ পি শৰ্মাই। তেওঁ কয় যে লোকসভা নিৰ্বাচনৰ বাবে আৰু মাত্ৰ এমাহ সময় আছে গতিকে এতিয়া আৰু নতুন মুখ বিচৰাৰ সময় নাই। উল্লেখ্য, আজি তেজপুৰৰ সাংসদ শৰ্মা আৰু মঙলদৈৰ সাংসদ ৰমেন ডেকাই একেলগে ৰঙিয়া ৰে’ল সংমণ্ডলৰ উদ্যোগত ৰঙিয়া ৰে’ল ষ্টেচনত উৰনীয়া পদ সেতু (ফুট অভাৰ ব্ৰিজ), লিফ্ট, চলমান চিৰি আৰু গোৰেশ্বৰ ৰে’লৱে ষ্টেচনত প্ৰথম শ্ৰেণীৰ যাত্ৰীৰ বিশ্ৰামাগাৰ নিৰ্মাণ কাৰ্যৰ শুভাৰম্ভ কৰাৰ লগতে নতুনকৈ আধুনিকিকৰণ কৰি শোভাবৰ্ধন কৰা ৰঙিয়া ৰে’ল ষ্টেচনৰ বাহিৰৰ অংশ মুকলি কৰা উপলক্ষে আয়োজিত সভাত ৰঙিয়া মাণ্ডলিক ৰে’ল প্ৰৱন্ধক ৰবিলেশ কুমাৰ, সহ অন্যান্য উচ্চ পদস্থ ৰে’ল বিষয়াসকল উপস্থিত আছিল। শৰ্মাই সাংবাদিকৰ এক প্ৰশ্নৰ উত্তৰত কয় যে, বি জে পিয়ে প্ৰকৃততে মাটি, ভেটি, জাতি আৰু অসমীয়া সংস্কৃতিপ্ৰেমী। দলে সদায় অসমসহ সমগ্ৰ উত্তৰ পূৰ্বাঞ্চলৰ উন্নয়নৰ বাবে কাম কৰি আছে বুলি তেওঁ কয়...

যোৰহাটঃ যোৰহাটৰ চিনামৰাত ফাগুনৰ প্ৰথম বুধবাৰত আলি-আয়ে-লৃগাং উদযাপন কৰা হয়। বিষ্ণুপুৰ গাঁৱৰ মিচিং ৰাইজৰ দ্বাৰা আয়োজিত কৰা হয় এই উৎসৱৰ৷ বিশিষ্ট অতিথি হিচাপে উপস্থিত থাকে চিনামৰা জাতীয় বিদ্যালয়ৰ অধ্যক্ষ দিব্যজ্যোতি শৰ্মা। আনহাতে, সভাত সভাপতিত্ব কৰে শিক্ষক ললিত পেগুৱে। পুৱা পতাকা উত্তোলন কৰে উদযাপন সমিতিৰ সভাপতি মণিৰাম দলে৷ নিয়াৰিকৈ চলাই নিয়া অনুষ্ঠানটিত সকলোৱে আনন্দ-স্ফূৰ্তিৰে পৰম্পৰাগত নীতি-নিয়মৰে সুকলমে কাম-কাজ চলাই নিয়ে

ওদালগুৰিঃ শুকুৰবাৰে ওদালগুৰি ভ্ৰমণলৈ আহিব কেন্দ্ৰীয় ৰেচম বিভাগৰ মন্ত্ৰী স্মৃতি জুবিন ইৰানীৰ লগতে কেন্দ্ৰীয় গৃহ ৰাজ্য মন্ত্ৰী কিৰেণ ৰিজিজু। ওদালগুৰিৰ সাপেখাইটিস্থিত ৰেচম বিভাগৰ সহকাৰী সঞ্চালক কাৰ্যালয়ত ৰেচম বিভাগৰ বিভিন্ন দিশ পৰিদৰ্শনৰ বাবে দুয়োগৰাকী মন্ত্ৰী আহিব বুলি জানিব পৰা গৈছে। উল্লেখ্য যে, ওদালগুৰিৰ এই ৰেচম বিভাগে বিশ্বত এক সুকীয়া স্থান লাভ কৰিবলৈ সক্ষম হৈছে। বিভিন্ন সময়ত বিদেশী পৰ্যটকৰ লগতে বিদেশৰপৰা অহা বহুতো বিষয়াই ভ্ৰমণ কৰিছে ওদালগুৰিস্থিত ৰেচম বিভাগৰ কাৰ্যালয়ৰ লগতে উৎপাদনস্থলী। দুয়োগৰাকী কেন্দ্ৰীয় মন্ত্ৰীৰ ভ্ৰমণৰ বাবে ইতিমধ্যে ওদালগুৰি আৰক্ষী প্ৰশাসন প্ৰস্তুত কৰিছে নিৰাপত্তাজনিত কৌশল। কোনো নিৰাপত্তাজনিত সুৰুঙা ৰাখিব বিচৰা নাই ওদালগুৰি আৰক্ষীয়ে।

মুম্বাইঃ ছ’নি টিভিৰ আটাইৰে জনপ্ৰিয় অনুষ্ঠান দ্যা কপিল শৰ্মা শ্ব’ত এতিয়া আৰু নৱজৌত সিঙ সিদ্ধুক পৰ্দাত দেখা নাপাব৷ এই বিষয়ে ছ’নি চিভিৰ কৰ্তৃপক্ষই টুইটৰ দ্বাৰা জানিবলৈ দিয়ে৷ অভিনেত্ৰী, কমেডিয়ান তথা ৰসালপূৰ্ণ ব্যক্তি অৰ্চনা পুৰণ সিঙক সিদ্ধুৰ আসনত সকলোৱে দেখা পাব বুলি জানিব পৰা গৈছে৷ ছ’নি টিভিয়ে তেওঁলোকৰ টুইটৰ দ্বাৰা কয় যে কপিল শৰ্মাৰ অনুষ্ঠানলৈ অৰ্চনাক স্বাগতম জনাইছে৷ এই পোষ্টৰ পাছতেই অনুষ্ঠানৰ লগত জড়িত থকা সকলোকে এই বাৰ্তা প্ৰেৰণ কৰে ছ’নিৰ কৰ্তৃপক্ষই৷ দৰাচলতে নৱজৌত সিঙ সিন্ধুয়ে পুলৱামাত হৈ যোৱা ভয়াৱহ ঘটনাৰ সন্দৰ্ভত দিয়া মতৰ বাবেই এই জগৰ লাগে৷ আনহাতে, টুইটাৰ তথা সংবাদ মাধ্যমত তেওঁ এই বিষয়ৰ সন্দৰ্ভত কয় যে পাকিস্তানৰ লগত আলোচনাৰ মাজেৰেই সন্ত্ৰাসৰ সমস্যা দূৰ কৰিব পাৰি৷ সন্ত্ৰাসৰ বিৰোধিতা কৰো কিন্তু যিসকল এই শাস্তিৰ যোগ্য তেওঁলোকক হে এই শাস্তি প্ৰদান কৰা উচিত বুলি প্ৰকাশ কৰে নেতাগৰাকীয়ে৷ আনহাতে, নৱজৌত সিঙ সিদ্ধু এগৰাকী নেতাৰ লগতে প্ৰাক্তন ক্ৰিকেটাৰ খেলুৱৈ আছিল৷ বৰ্তমানেও কিছু বিৰ্তকিত মাজত সোমাই পৰা তেওঁলৈ জনতাই ক্ষোভ প্ৰকাশ কৰিছে৷

বিজেপিৰ ৰাষ্ট্ৰীয় নেতৃত্বই ৰাজ্যভেদে প্ৰস্তুত কৰিছে নিৰ্বাচনী ৰণকৌশল। ইতিমধ্যে, আঞ্চলিক দলসমূহৰ সৈতে মিত্ৰতা কৰাৰ ক্ষেত্ৰত কোনো সম্ভাৱনা-সুযোগক এৰি দিবলৈ বিচৰা নাই গেৰুৱা শিৱিৰে। কাৰণ, পাঁচ বছৰীয়া শাসনত থকাৰ পিছত স্বাভাৱিকভাৱে ঠাইবিশেষে সৃষ্টি হোৱা প্ৰতিষ্ঠানবিৰোধী ঢৌ ৰোধ কৰিবলৈ আঞ্চলিক শক্তিৰ সৈতে মিত্ৰতা কৰাৰ বিকল্প যে নাই, সেই কথা ভালকৈয়ে জানে বিজেপিৰ শীৰ্ষ নেতৃত্বই। এনে অৱস্থাত বহু স্থানত বিজেপিয়ে আঞ্চলিক দলকে সৰ্বাধিক আসন এৰি নিজে কম আসনত প্ৰতিদ্বন্দিতা কৰিবলৈও সন্মত হৈছে। তাৰ শেহতীয়া উদাহৰণ দেখা গ’ল- তামিলনাডুত। তামিনলাডুত বিজেপিয়ে মাত্ৰ ৫ খন আসনত প্ৰতিদ্বন্দিতা কৰাৰ সিদ্ধান্ত হৈ এআইএডিএমকে আৰু পিএমকেক ক্ৰমে ২৭ আৰু ৭ খন আসনত বুজাপৰা কৰিছে। বিহাৰত নীতিশ কুমাৰৰ জেদি(ইউ)ৰ সৈতে ১৭-১৭ আসনৰ বুজাপৰা কৰি ৰাম বিলাস পাছোৱানৰ এলজেপিক দিছে অন্য ছয়খন আসনৰ লগতে ৰাজ্যসভাৰ বাবে পাছোৱানক এখন আসন। মহাৰাষ্ট্ৰত শিৱসেনাৰ সৈতে ২৫-২৩ আসনৰ বুজাপৰা কৰিছে বিজেপিয়ে। এনে অৱস্থাত অসমত কি হ’ব মিত্ৰতা অথবা আসন বুজাপৰাৰ অংক। বিজেপিৰ সৈতে ইতিমধ্যে থকা বিপিএফ দলক কোকৰাঝাৰ আসনখন এৰি দিয়াৰ সিদ্ধান্ত একপ্ৰকাৰ খাটাং।...

তেজপুৰঃ আজিৰে পৰা তিনিদিনীয়া কায্যসূচীৰে অনুষ্ঠিত হৈছে সদৌ অসম উকিল সন্থাৰ ১৬ দ্বি বাৰ্ষিক অধিবেশন । আজি পুৱা তেজপুৰ উকিল সন্থাৰ সভাপতি অশোক কুমাৰ মহন্তই পতাকা উত্তোলন কৰাৰ পিছত শ্ৰদ্ধাঞ্জলি অনুষ্ঠান মুকলি কৰাৰ পিছত সদৌ অসম উকিল সন্থাৰ বিষয়ববীয়া সকলৰ উপস্থিতিত প্ৰতিনিধি সভা অনুষ্ঠিত হয় ।

 পুলৱামাৰ বৰ্বৰ ঘটনাৰ পিছত ছচিয়েল মিডিয়াত দিয়া পোষ্ট সন্দৰ্ভত তীক্ষ্ণ নজৰ অসম আৰক্ষীৰ। ছচিয়েল মিডিয়াত বিতৰ্কিত পোষ্ট দিয়া ১৯জনক ইতিমধ্যে আটক। তাৰ ভিতৰত ১৫জনক গ্ৰেপ্তাৰ কৰিছে আৰক্ষীয়ে। সংবাদমেলত মন্ত্ৰী হিমন্ত বিশ্ব শৰ্মাই জনালে এই কথা। আৰক্ষীয়ে এইপৰ্যন্ত ৭৫জন ৰোহিংগ্যাকো গ্ৰেপ্তাৰ কৰিছে বুলি জনালে মন্ত্ৰীজনে। জনতা ভৱনত মন্ত্ৰীজনে সংবাদমেল সম্বোধন কৰি ক’লে ২০০৯ৰ ২২ ছেপ্টেম্বৰত গুৱাহাটীৰ পল্টনবজাৰত গ্ৰেপ্তাৰ হৈছিল প্ৰথমজন ৰোহিংগ্যা। ২১ জানুৱাৰীতো কৰিমগঞ্জত কৰায়ত্ত কৰিছিল ৩০জন ৰোহিংগ্যাক। ২০১০ৰ ১৫ মে’ত কৰিমগঞ্জত এজনক গ্ৰেপ্তাৰ, ২০১২ চনৰ ৯ মাৰ্চত হোজাইত এজনক, ২০১২ৰ ২৯ ছেপ্টেম্বৰত কাছাৰত ৭জন, ২০১২ৰ ১২ নৱেম্বৰত ১০জনক, ২০১৩ৰ ২৩ অক্টেবৰত তেজপুৰত ৮জনক, ২০১৭ চনৰ ১৭ আগষ্টত কৰিমগঞ্জত ৩০জনক, ২০১৯ৰ ১০ ফেব্ৰুৱাৰীত কাছাৰত ৪জনক আৰু এই বছৰৰ ১৭ ফেব্ৰুৱাৰীত লামডিঙত গ্ৰেপ্তাৰ হৈছে ৩জনকৈ ৰোহিংগ্যা। তেলেংগানা, জম্মু, দিল্লীৰ ৰোহিংগ্যাৰ বাবে অসমৰ পৰা বৰঙণি উঠোৱাৰ চেষ্টা কৰিছিল এচামে। এওঁলোকক অসমলৈ আনিবলৈ কাম কৰি আছে এটা চক্ৰই। ছাহিল এডুকেচন ছচায়িটী নামৰ এটা সংগঠনে লৈছে উদ্যোগ। যোৱা ৩ মাহত অসমত যি ধৰণৰ পৰি...

চামগুৰিঃ নগাওঁ জিলাৰ চামগুৰি সমষ্টিৰ অন্তৰ্গত শ্ৰী শ্ৰী ব্ৰহ্মচাৰী সত্ৰৰ কেইজনমান যুৱকৰ প্ৰচেষ্টাত গঠন হোৱা "ব্ৰহ্মচাৰী সত্ৰ শিল্পী সমাজে" এই বৰ্ষৰ নগাওঁ ভাওনা সমাৰোহত প্ৰথম শ্ৰেষ্ঠ নাট্য দলৰ সন্মান লাভ কৰিবলৈ সক্ষম হৈছে ৷ উল্লেখ্য যে নগাৱঁৰ নেহৰুবালিত তিনি দিনীয়া কাৰ্যসূচীৰে অনুষ্ঠিত হোৱা ভাওনা সমাৰোহত ব্ৰহ্মচাৰী সত্ৰ শিল্পী সমাজে "দক্ষ যজ্ঞ" নাট খন পৰিবেশন কৰি ৰাইজৰ বিপুল সমাদৰ লাভ কৰিবলৈ সক্ষম হোৱাৰ লগতে প্ৰতিযোগিতাত প্ৰথম শ্ৰেষ্ঠ নাট্য দলৰ সন্মান লাভ কৰিবলৈ সক্ষম হয় ৷ পৰিচালক প্ৰকাশ কলিতা আৰু সহ-পৰিচালক শশাংক কলিতাৰ পৰিচালনাত অনুষ্ঠিত হোৱা "দক্ষ যজ্ঞ" ভাওনা খনত অভিনয় কৰে ক্ৰমে- বিশ্বজ্যোতি বৰা মানস বৰা সীমান্ত শইকীয়া মাধুৰ্য্য বৰুৱা হিমাংশু কলিতা ধীৰাজ শইকীয়া ধ্ৰুৱজ্যোতি বৰা কৈলান কলিতা পাৰ্থ বৰা প্ৰনৱ কলিতা কুমুদ শইকীয়া প্ৰানজিৎ চাংমাই পুজা বৰা আৰু স্নেহাময়ী কলিতাৰ লগতে বহু কেইজন শিল্পীয়ে ৷ আনহাতে বাদ্যযন্ত্ৰত সহায় কৰে সৰুধন শইকীয়া প্ৰনৱ কলিতা যতিন শইকীয়া শান্তিৰাম শইকীয়া কলিৰাম শইকীয়া পাপুলি শইকীয়া বিশাল আৰু ইন্দ্ৰমোহন বৰাকে ধৰি বহুকেইজন লোকে ৷ উল্লে...

অৱশেষত যাত্ৰা আৰম্ভ হ’ল প্ৰথমখন ছুপাৰফাষ্ট ট্ৰেইনৰ৷ নাম দিয়া হৈছে বন্দে ভাৰত এক্সপ্ৰেছ৷ নতুন দিল্লী আৰু বাৰাণসীৰ মাজত চলাচল কৰা এই ছুপাৰফাষ্ট ৰে’লগাড়ীখনত ৰাজধানী, দূৰন্ত আৰু শতাব্দী এক্সপ্ৰেছত থকা সুবিধাৰ উপৰিও অন্যান্য বহু সুবিধাৰ প্ৰসাৰ ঘটোৱা হৈছে৷ ৱাইফাই, স্বয়ংক্ৰিয় দৰ্জা আদিকে ধৰি বহু সা-সুবিধা৷ আনকি, ৰে’লখন কেৱল কাণপুৰ আৰু এলাহাবাদৰ বাহিৰে অন্য কোনো ষ্টপেজত নৰয়৷ দিল্লীৰ পৰা প্ৰতি সপ্তাহৰ মঙল, বুধ, শুকুৰ, শনি আৰু দেওবাৰে চলাচল কৰিবলগীয়া বন্দে ভাৰত এক্সপ্ৰেছে আঠ ঘণ্টাত 769 কি়মি দূৰত্ব অতিক্ৰম কৰিব৷ দিল্লীৰ পৰা এচি চেয়াৰ কাৰৰ ভাড়া 1760 টকা আৰু এক্সিকিউটিভ চেয়াৰ কাৰৰ ভাড়া 3310 টকা প্ৰতিজন যাত্ৰীৰ৷ কাণপুৰ আৰু এলাহবাদলৈ এচি চেয়াৰ কাৰৰ ভাড়া 1080 আৰু 1360 টকা৷ আনহাতে, এক্সিকিউটিভ শ্ৰেণীৰ ভাড়া 2085 আৰু 2725 টকা৷ ইতিমধ্যে মেক ইন ইণ্ডিয়াক লৈ কংগ্ৰেছ অধ্যক্ষ ৰাহুল গান্ধীয়ে দেশৰ প্ৰধানমন্ত্ৰী নৰেন্দ্ৰ মোদীক টিপ্পনী দি কৈছে বিষয়টোক লৈ পুনৰ চিন্তা কৰক মোডীয়ে৷ আনহাতে, বন্দে ভাৰত এক্সপ্ৰেছৰ আসন তিনি মাৰ্চ পৰ্যন্ত আগতীয়া বুকিং হৈছে৷

নতুন দিল্লীঃ শুকুৰবাৰে দেশৰ দ্ৰুতবেগী ছেমি বুলেট ট্ৰেইনখন ৰাষ্ট্ৰৰ নামত উচ্ছৰ্গা কৰিছিল প্ৰধানমন্ত্ৰী নৰেন্দ্ৰ মোডীয়ে৷ দিল্লী আৰু বাৰানসীৰ মাজত প্ৰতি ঘন্টাত ১৩০ কিলোমিটাৰ বেগত চলিবলগীয়া এই চুপাৰফাষ্ট ৰে’লগাড়ীখনে সকলো ভাৰতীয়ৰ মনলৈ গৌৰৱ কঢ়িয়াই আনিছিল৷ পিছে এই গৌৰৱ ২৪ ঘন্টাও বৰ্তি নাথাকিল৷ কিয়? উল্লেখ্য যে, কালি প্ৰধানমন্ত্ৰী মোডীয়ে পতাকা জোকাৰি শুভাৰম্ভণি কৰা ‘বন্দে ভাৰত এক্সপ্ৰেছ’ ৰে’ল গাড়ীখনে সঠিকভাৱেই বাৰনসীত উপস্থিত হ’লগৈ৷ বাৰানসীৰপৰাও সময়মতে ট্ৰেইখন নতুন দিল্লীলৈ উভতি আহিছিল৷ কিন্তু কেনা লাগিল দিল্লী ষ্টেচন পোৱাৰ প্ৰায় ১৮ কিলোমিটাৰ দূৰত্বত৷ তীব্ৰবেগী ট্ৰেইনৰ তলত সোমাল গৰু৷ আনফালে ট্ৰেইনত প্ৰথম অভিযন্তা, জেষ্ঠ বিষয়া, সাংবাদিকৰ লগতে কিছু লোকে যাত্ৰা কৰিছিল৷ কিন্তু অভিযন্তাসকলে ট্ৰেইনৰ গতি ৰোধ কৰাত বিফল হৈ পৰিছিল৷ যাৰ বাবে ট্ৰেইনৰ বিষয়ববীয়সকলে শনিবাৰে সকলো যাত্ৰীকে অন্য এখন ট্ৰেইনত উঠাই তেওঁলোকৰ গন্তব্য স্থানলৈ পঠিওৱাৰ ব্যৱস্থা কৰে৷ দৰাচলতে উক্ত এক্সপ্ৰেছখনৰ নাম ‘ট্ৰেইন ১৮’ নামেৰে নামাকৰণ কৰা হৈছিল যদিও কিবা কাৰণবশতঃ ইয়াৰ নাম পাছলৈ সলনি কৰি দিয়া হয়৷